*_🌴🌴🌴🌴🌴🌴_*

          •┈┈•❀🐯🕊❀•┈┈•

                **

         **

             

                          *ஆன்மீகம்*

*80 ஆன்மீக குறிப்புகள்*

*🙏🕉️🙏26. பூஜையின்போது* *விபூதியை நீரில்*

*குழைத்து பூசக் கூடாது.* *தீட்சை பெற்றவர்கள்*

*மட்டுமே விபூதியை நீரில்* *குழைத்து*

*பூசலாம்.*

 •┈┈•❀🌴🐯🇮🇳🕊🌴❀•┈┈•

🌴🎋🌴🎋🌴🎋🌴🎋🌴🎋🌴🎋

*💗படித்ததில் பிடித்தது...*

*அப்பா..!!*

        

*ஒரு தந்தையாவது மிகவும்*

*இலகுவானது..!*

*ஆனால்,*

*ஒரு தந்தையாக இருப்பது*

*மிகவும் கடினமானது..!!*

ஒரு மனிதன், பின்னாளில் தனக்கு சொந்தமாக்கி வைத்திருக்கிற துணிச்சலும், திடமும் அப்பா என்கிற அடிவேரிலிருந்து கிடைத்தது தான். ஒரு குழந்தையின் நடத்தை, பழக்க வழக்கம், பண்பு எல்லாவற்றுக்கும் முன்னுதாரணமான வழிகாட்டி தந்தையே.

கடவுள் மனித உயிர்களுக்கு அளித்த மிகப்பெரிய வெகுமதி தந்தை. ஒரு நல்ல தந்தை ஆயிரம் ஆசிரியர்களுக்கு சமமாக இருப்பார். எப்போதும் எங்களோடு கூட இருந்து வழிகாட்டுகிற இந்த அகல்விளக்கின் தியாகம் அளப்பரியது.

தன் குழந்தையை வளர்த்து ஆளாக்க பொருளாதார ரீதியாக தந்தைமார் சுமக்கிற சுமைகள் அதிகமானவை . அதற்காக அவர்கள் படுகிற பாடுகள் வலிமிகுந்தவை.ا

ஒரு நல்ல தகப்பனுக்கு தன் குழந்தைகளின் வளர்ச்சி மீது இருக்கிற அக்கறையிலும், அங்கலாய்ப்பிலும் இருக்கும்  தீவிரம் வேறெந்த உறவுகளிடமும் இருக்காது. தம் குழந்தைகளின் எதிர்காலம் பற்றியே சதா சிந்திக்கும் அப்பாக்கள் அவர்களுக்காகவே தம் வாழ்க்கை முழுவதையும் தியாகம் செய்து விடுகின்றனர்.

அம்மா என்றால் அன்பு என்கின்றோம். ஆனால் வெளிக்காட்டிக் கொள்ளாத அப்பாக்களின் அன்பும் மிகுந்த ஆழமானது தான். அவர்களின் பாசமும் ஈரமானது தான்.

தம் பிள்ளைகளை நல்வழிப்படுத்தி கூட்டிச் செல்வதற்கு அவர்களுக்கு கண்டிப்பு அவசியமாகிறது. அதனாலென்னவோ பல அப்பாக்கள் தம் பிள்ளைகள் மீது கொண்டிருக்கிற தாய்க்கு நிகரான நேசத்தை வெளிக்காட்டாமல் மிகவும் இரகசியமாகவே வைத்திருக்கிறார்கள்.ا

தந்தை என்கிற சூரியனின் வெளிச்சம் நன்றாக கிடைத்துவிட்டால்

பிள்ளைத் தாவரங்கள் இயல்பாகவே செழித்து வளர்ந்து விடும். 

வாழ்வின் அனுபவப் பாடங்கள் அனைத்திலும் மிகச் சிறந்த ஆசானாக ஒவ்வொரு இளைஞனுக்கும் யுவதிக்கும் அவரவர் அப்பாக்களே இருக்கிறார்கள்.

நாம் வாழும் சமூகத்திற்கு ஒரு நல்ல மனிதன் கிடைத்திருக்கிறான் என்றால் அவனுக்கு பின்னால் ஒரு பொறுப்பு மிக்க தந்தையின் கடும் உழைப்பும் தியாகமும் இருந்திருக்கிறதென்றே அர்த்தம்.

யானையின் பலம் தும்பிக்கையிலே என்பது எவ்வளவு தூரம் உண்மையானதோ.. அதைவிட உண்மையானது ஒரு மனிதனின் பலம் நம்பிக்கையிலே என்பது. ஒவ்வொரு மனித மனசுக்குள்ளும் ஓடிக்கொண்டிருக்கும் அந்த நம்பிக்கை நதியின் நதிமூலம் அவரவர் அப்பாக்களே!

ஒரு குழந்தை அப்பாவின் கைப்பிடித்துக் கொண்டு எடுத்து வைக்கிற முதல் அடியே நம்பிக்கை விதையின் பதியமிடல் நிகழ்வு.

விழவும், எழவும் வலிகளையும் வடுக்களையும் தாங்கிக் கொண்டு நடக்கவும் ஒரு அப்பாவிடமிருந்து குழந்தை பெறுகிற பயிற்சி அவசியமானது.

இருகைகள் தட்டி எழும் ஓசை போல அம்மா அப்பா என்கிற இரு உறவுகளின் ஆரோக்கியமான இணைப்பும் பிணைப்பும் இல்லாமல் ஒரு நல்ல மனிதனை இந்த சமூகம் பெற முடியாது.

ஒரு தாய் தன் குழந்தை தன்னுடனேயே இருக்க வேண்டுமென்கிற அன்பின் உச்சத்தில் அதனை இடுப்பில் கெட்டியாக சுமக்கிறாள்.

தந்தையோ தன் குழந்தை தன்னைவிட உயர்ந்த நிலைக்கு சென்றுவிட வேண்டுமென்ற துடிப்போடு தன் தோள்களில் தூக்கி சுமக்கிறார்.

ஒவ்வொரு அப்பாக்களும் பிள்ளைகளுக்காக, அவர்களுக்கு கடைசிவரை தெரியாமலேயே இருந்துவிடுகிற எத்தனை துயரங்களை , அவமானங்களைச் சந்தித்திருப்பார்கள்?

பிள்ளைகளின் நல்வாழ்வுக்காக எத்தனை பேரிடம் உதவி கேட்டு நடந்திருப்பார்கள்?

எத்தனை பேரிடம் கடன் வாங்கியிருப்பார்கள்?

அதை கட்டிமுடிக்க எவ்வளவு போராடியிருப்பார்கள்?

எத்தனை இரவுகள் தூங்காது இருந்திருப்பார்கள்?

எத்தனை பாரங்களை மனசில் சுமந்திருப்பார்கள்?

முடியுதிர்ந்த மண்டையின் வெளிகளில்..

வெடிப்பு விழுந்திருக்கும் பாதங்களில்...

நரம்பு தெரியும் கைகளில் ...

நரை விழுந்த மீசைகளில் ...

அப்பாக்களின் உழைப்பின் வரலாறு அமைதியாய் குடிகொண்டிருக்கிறது.

தன் பிள்ளைகள் தான் படும் துயரம் கண்டு வருந்திவிடக் கூடாதென்று அவர்களுக்கு முன்னால் தம் வலிகளை எப்படி மறைத்திருப்பார்கள்?

ஆசைப்பட்டு பிள்ளைகள் கேட்கிற பொருட்களுக்காக எத்தனை மணி நேரங்கள் கூடுதலாக தம் வியர்வை சிந்தியிருப்பார்கள்?

மனைவி, பிள்ளைகளை ஏற்றிய குடும்ப வண்டியை இழுத்துச் செல்வதற்காக அப்பா என்கிற தியாகப் படைப்பு தன்னுடலை எவ்வளவு தூரம் வருத்தியிருக்கக் கூடும்?

பிள்ளைகள் தூக்கத்திலிருக்கும் போது அவர்களின் தூக்கம் கலையாமல் முத்தமிட்டுக்கொண்டு போர்த்தி விட்டு வேலைக்குப் போகிற அப்பாக்கள் பின்னர், பிள்ளைகள் தூங்கிவிட்ட பிறகு வீடு வந்து சேருகிற போது எப்படி தாங்கிக் கொள்கிறார்கள்? எத்தனை முறை மௌனமாக அழுதிருக்கும் அவர்கள் இதயங்கள்?

இதற்கும் மேலாய் உழைப்புக்காகவே கடல் கடந்து சென்று கரைந்து போகும் அப்பாக்களின் அவல வாழ்க்கையை அவர்களால் எப்படி ஏற்றுக் கொள்ள முடிகிறது? வேலை இடைவெளிகளில் பிள்ளைகளின் குரல் கேட்டு உற்சாகம் ஏற்றிக் கொள்கிற அவர்களின் உழைப்பின் பின்னாலிருக்கிற உழைச்சலை எப்படி புரியவைப்பது?

படுக்கையறை கட்டிலின் தலைப்பகுதியில் தன் மனைவி பிள்ளைகளின் புகைப்படத்தை ஒட்டி வைத்துக் கொண்டு சதா வலி சுமந்து வலி சுமந்து வாழ்க்கையை சுமந்து செல்கிற இந்த அப்பாமாரின் வாழ்க்கை எத்தனை கொடுமையானது?

வீரம், துணிச்சல்,

விடாமுயற்சி,

நம்பிக்கை, உழைப்பு..

இவைகள் ஒரு நல்ல அப்பாவிடமிருந்து இளைஞன் , யுவதிகளுக்கு இயல்பாகவே கிடைத்து விடுகிற பெரிய வெகுமதிகள்.

ஒரு இளைஞனோ ,  யுவதியோ வளர்ந்து பெரியவனான பிறகும்,

குழந்தைகளுக்கு பெற்றோரான பிறகும் அவர்களின் தந்தை தன் பிள்ளைகளை சிறு பிள்ளைகளாகவே பார்க்கிறார். பிள்ளைகளுக்கும் அப்பாவின் ஆலோசனைகள், வழிகாட்டல்கள், அனுபவப்பாடங்கள் என எல்லாம் எப்போதும் தேவைப்படுகின்றன.

“எதுக்கும் பயப்படாதே”

“ஒன்றுக்கும் யோசிக்காதே”

“எல்லாம் வெல்லலாம்”

“மனசை தளரவிடாதே”

“நான் இருக்கிறேன்”

இவையெல்லாம் அப்பாக்கள் தம் பிள்ளைகளின் செவிகளுக்குள் கடைசிவரைக்கும் திரும்பதிரும்ப சொல்லிக் கொள்கிற நம்பிக்கை தரும் ஒற்றைக் கட்டளைகள்.

அவர்கள் வாய்களிலிருந்து பிள்ளைகளின் மனங்களுக்கு கடத்தப்படுகிற இந்த வார்த்தைகளின் வீரியம் வலிமையானது.

தன் இயலாமையை தான் உணர்கிற ஒரு காலத்திலும் தந்தைமார் இந்த உற்சாகம் நிறைக்கிற வார்த்தைகளை சொல்ல மறப்பதேயில்லை. அவர்களுக்கு நன்றாகவே தெரியும் தம் பிள்ளைக்கு தமது குரலொன்றே போதுமென்பது.

*அப்பாக்கள் :* 

➡பிள்ளைகளின் சுமைதாங்கிகள்

➡பிள்ளைகளின் நெம்புகோல்கள்

➡பிள்ளைகளின் அச்சாணிகள்

➡பிள்ளைகளின் சூரியன்கள்

➡பிள்ளைகளின் திசைகாட்டிகள்

➡பிள்ளைகளின் ஆசிரியர்கள்

➡பிள்ளைகளின்

நம்பிக்கைகள்

அப்பா:

தூய்மையான

அன்பு,

போலியற்ற

அக்கறை,

நேர்மையான வழிகாட்டல், 

நியாயமான

சிந்தனை, 

நேசிக்கத்தக்க உபசரிப்பு, 

மாறுதலில்லா நம்பிக்கை, 

காயங்களற்ற

வார்த்தை,  

கம்பீரமான

அறிவுரை,

கலங்கமில்லா

சிரிப்பு,

உண்மையான

அழுகை,

என அத்தனையும் உளமகிழ்ந்து 

செய்து வளர்த்தவர்.

 

தோழனுக்கு தோழனாய் 

தோள் கொடுப்பவர் அப்பா.

அப்படியொரு அப்பாவாக இருப்பதில் ஒவ்வொரு தகுதியுள்ள  அப்பாக்களும் மகிழ்ச்சியுருவர். 

இதுவரை இல்லாவிடிலும் இனியாவது இப்படிப்பட்ட அப்பாவாக இருக்க இப்போதிருந்தே  தன்னை மாற்றிக்கொள்ள ஆரம்பிப்பர்.

*பகிர்வு*

🌴🎋🌴🎋🌴🎋🌴🎋🌴🎋🌴🎋

💚💜💚💜💚💜💚💜💚💜💚💜

*💗உடல் நலம்...*

*பிறந்த குழந்தைகளுக்குக் கூட சர்க்கரை நோய்… காரணம் என்ன தெரியுமா?*

வளர்ந்து வரும் நவீன உலகில் உணவு பழக்கவழக்கங்கள், வாழ்க்கை முறை, சூழல்கள் மற்றும் கால நிலை மாற்றத்தினால் பல்வேறு நோய்கள் ஏற்படுகின்றன. பிறந்த குழந்தை முதல் முதியவர்கள் அனைவருக்கும் சர்க்கரை நோய் பாதிப்பு உருவாகிறது. ஒவ்வொரு வீட்டிலும் டிவி, கிரைண்டர், மிக்ஸி இருப்பது போல் சர்க்கரை நோயும் இருக்கிறது. சாதாரணாமாக முன்பு எல்லாம் வீட்டிற்கு வந்த விருதாளிகளிடம் எப்படி இருக்கிங்க என்று கேட்பது மாறி உங்களுக்கு சர்க்கரை நோயின் அளவு எவ்வளவு இருக்கிறது என்று பேசிக்கொண்டிருக்கிறார்கள். 35 வயதிற்குமேல் சர்க்கரை நோய் என்பது சாதாரணமாக மாறிவிட்டது.

முன்பெல்லாம் சர்க்கரை நோய் என்பது பணக்காரர்களுக்கு மட்டும் வரும் நோய் என்று கூறுவதுண்டு. ஆனால், இன்றைய காலகட்டத்தில் பிறந்த குழந்தை முதல் முதியவர் வரை அனைவருக்கும் சர்க்கரை நோய் இருக்கிறது. தினமும் காலையில் எழுந்து டீ, காபி குடிப்பதைப் போன்று, இன்சுலின் போட்டுக் கொள்வதும், மாத்திரிகைகள் எடுத்துக்கொள்வதும் நம் அன்றாட வாழ்வின் அங்கமாக மாறிவிட்டது. உலகில் சர்க்கரை நோயால் பாதிக்கப்பட்ட நாடுகளில் மூன்றாவது இடத்தில் உள்ளது இந்தியா.

*சர்க்கரை நோயின் வகைகள்..*

சர்க்கரை நோய் இரண்டு வகைப்படும்.

* முதல் வகை சர்க்கரை நோய் (சிறார் சர்க்கரை நோய்)

* இரண்டாம் வகை சர்க்கரை நோய் இரண்டாம் வகை சர்க்கரை நோய்

*இரண்டாம் வகை சர்க்கரை நோய்..*

35 வயதை கடந்தவர்களுக்கு ஏற்படும். இரண்டாவது வகை சர்க்கரை நோயானது உணவு முறைகள் மற்றும் வாழ்க்கை முறைகளினால் ஏற்படும் நோயாகும். அதாவது உடலுழைப்பு அதிகமில்லாத பணிகள் செய்வது, சர்க்கரை அதிகமாக உள்ள உணவுகளை அதிகமாக உட்கொள்வது, அதிகமான மன அழுத்தம், பதற்றம் ஆகியவற்றால் உருவாவது தான் இரண்டாவது வகை.

*முதல் வகை சர்க்கரை நோய்..*

பிறக்கும் போது இன்சுலின் குறைபாடு உடையவர்களுக்கு முதல் வகை நீரிழிவு நோய் ஏற்படும். அவர்கள் அன்றாடம் இன்சுலின் ஊசி போட வேண்டும். அது தவறினால் கடுமையான விளைவுகள் ஏற்படும். முதல் வகை நீரிழிவு நோயை சிறார் வகை நீரிழிவு நோய் என்றும் அழைக்கலாம். ஏனென்றால் இந்த வகை நோய் பெரும்பாலும் சிறார்களையே தாக்கும். பெரும்பாலும் இந்நோய் 5 வயதுக்கு பிறகுதான் தோன்றும். ஆனால், சிலர் 30 வயதுக்கு பிறகும் இவ்வகை நோயை பெறுவதில்லை. பொதுவாக சில குழந்தைகள் தூங்கவும், தண்ணீர் குடிக்கவும், உணவு உண்ணவும் மற்றும் அடிக்கடி சிறுநீர் கழிக்கவும் செய்வார்கள். ஆனால் இது சாதாரணமாக நடப்பது தான் என்று பெற்றோர்கள் கவனக்குறைவாக இருக்க வேண்டாம். அதிக மயக்கம், அதீத பசி, அடிக்கடி சிறுநீர் கழித்தால் அவை முதல் வகை நீரிழிவு நோய்க்கான அறிகுறிகள். இவ்வகை நோய்க்கான அறிகுறிகள் திடீரென குழந்தைகளிடம் தோன்றலாம். எனவே பெற்றோர்கள் கவனமாக இருப்பது அவசியம்.

*முதல் வகை சர்க்கரை நோய்க்கான அறிகுறிகள்..*

* அடிக்கடி சிறுநீர் கழிப்பது

* அதீத தாகம் எடுத்தல்

* அதீத பசி எடுத்தல்

* உடல் எடை குறைவு

* உடல் சோர்வு

* சுவாசிப்பதில் சிரமம்

* ஈஸ்ட் தொற்றுகள்

* திடீரென வித்தியாசமாக நடந்துகொள்ளுதல்

* கனமான சுவாசம்

* சுவாசிக்கும் போது முணுமுணுப்பது

* பழங்கள், இனிப்பு, மது போன்ற வாசனையை நுகர்தல்

* அதிக மயக்கம்

* ஆற்றல் இல்லாமை

இந்த அறிகுறிகள் இருந்தால், உடனடியாக மருத்துவரை அணுகி குழந்தைக்கு உடல் பரிசோதனை மற்றும் சிறுநீர் பரிசோதனை செய்து பார்க்கலாம். ரத்தத்தில் சர்க்கரையின் அளவு அதிகமானால் இதயம், சிறுநீரகம், கண்கள், கால்களில் உள்ள ரத்தக் குழாய்களில் பாதிப்பு ஏற்படும். சிலருக்கு மூளைக்கு செல்லும் ரத்தக்குழாய் பாதிக்கப்பட்டு, பக்கவாதம் ஏற்படவும் வாய்ப்புள்ளது.

*சர்க்கரையின் அளவு குறையும் போது ஏற்படும் அறிகுறிகள்*

உங்கள் குழந்தைக்கு ஏற்கனவே முதல் வகை சர்க்கரை இருப்பது கண்டறியப்பட்டால், இரத்தில் சர்க்கரையின் அளவு குறையும்போது சில அறிகுறிகள் வைத்து தெரிந்து கொள்ளாலாம்.

* மங்கலான அல்லது இரட்டை பார்வை

* தலைச்சுற்றல் மற்றும் தலைவலி

* மயக்கம் அல்லது சோர்வு

* வியர்த்தல்

* ஈரமான தோல்

* தீவிர அல்லது திடீர் பசி

* பலவீனம்

* விரைவான துடிப்பு

*குழந்தைகளுக்கு ஏன் நீரிழிவு நோய் ஏற்படுகிறது?*

குழந்தைகளுக்கு ஏன் நீரிழிவு நோய் ஏற்படுகின்றது என்பது அனைவரின் மனதிலும் ஒரு கேள்விகுறியாகவே இருக்கும். இது ஒரு ஆட்டோ இம்யூன் நோயாகத் தோன்றுகிறது. இது உடலில் பொதுவாக இன்சுலின் உருவாக்கும் செல்களைத் தாக்கி அழிக்கிறது. பரம்பரை மூலமாக் சர்க்கரை நோய் வருவது என்பது குறைவான சதவீதம் மட்டுமே என்கிறார்கள் மருத்துவர்கள்.

*சிகிச்சை..*

கணையத்தால் இன்சுலின் சுரக்காத போது உடலுக்கு தேவையான இன்சுலினை வெளியில் இருந்து செலுத்த வேண்டும். இந்த பாதிப்பு இருந்தால் மாத்திரைகளுடன் ஊசியும் பரிந்துரைக்கப்படும் உடல் எடை குறைந்து காணப்படும். இன்சுலின் அளவுகள் இரத்த சர்க்கரை அளவை அடிப்படையாகக் கொண்டிருப்பதால், அவற்றின் இரத்த சர்க்கரை அளவுகள், உணவுகள் மற்றும் செயல்பாட்டு நிலைகளையும் கவனமாக கண்காணிக்க வேண்டியது அவசியம். குழந்தைகள் பாதிக்கப்படும் இந்த முதல் வகை சர்க்கரை நோயை ஆரம்பத்திலேயே கண்டறிந்துவிட்டால் சிகிச்சையும் எளிதாக இருக்கும்.

*பகிர்வு*

💚💜💚💜💚💜💚💜💚💜💚💜

🍃🍂🍃🍂🍃🍂🍃🍂🍃🍂🍃🍂

*💗சிந்தனை கதை...*

*நாமொன்று நினைத்தால்..!!*

 

‘‘ஏங்க... உங்கப்பா தொனதொனப்பு தாங்க முடியலை. வாய மூடிட்டுப் பேசாம இருக்கச் சொல்லுங்க...’’

- பார்கவி சொன்னதும், பதறிப் போனான் வேம்பு. அப்பா இருக்கும் அறையை எட்டிப் பார்த்தான். 

ஜன்னல் வழியே அப்பாவியாய் வேடிக்கைப் பார்த்துக் கொண்டிருந்தார். 

பார்கவி சத்தம் போட்டுச் சொன்னது அவர் காதுகளில் விழுந்திருக்க வாய்ப்பில்லை. மூப்பின் காரணமாக கேட்கும் திறன் குறைந்து விட்டது.

‘‘மெதுவா பேசு பாரு... அப்பாக்கு வயசாச்சுன்னு ஒனக்குத் தெரியாதா? அவருக்குக் காதும் கேக்கறதில்லை. எதாச்சும் சொன்னா, கொஞ்சம் அட்ஜஸ்ட் பண்ணப் பழகிக்கோம்மா...’’ - எந்த அளவுக்குத் தன்மையாகச் சொல்ல முடியுமோ, அந்த அளவுக்கு இரங்கி வந்து சொன்னான் வேம்பு.

‘‘ஹுக்கும்... எனக்கும்தான் அப்பா இருக்கார். ஒங்க அப்பா மாதிரி நச்சா? ச்சே... காதுல விழறதில்லேன்னா ஒதுங்கி சத்தம் போடாம இருக்க வேண்டியதுதானே... என்ன என்னன்னு கேட்டு என் உயிரை வாங்கறார்.’’

பாவம், வேம்பு. இது இன்றைக்கு நேற்று என்றில்லை. தினமும் ஒரு முறையாவது அப்பாவுக்காக பார்கவியிடம் இப்படி வாங்கிக் கட்டிக் கொள்கிறான். இத்தனைக்கும் கல்யாணம் ஆகி இரண்டு வருடம்தான் ஆகிறது.

வேம்புவின் அம்மா இறந்து போய் வருடம் எட்டு ஆகி விட்டது. பெற்றோருக்கு ஒரே பிள்ளை என்பதால், அப்பாவை உடன் வைத்துக் கொள்ள வேண்டியதாகி விட்டது வேம்புவுக்கு.

பார்கவியைப் பெண் பார்க்கும்போதே தன்னுடன் கடைசிவரை அப்பா இருப்பார்... வாழ்க்கையில் எந்த ஒரு சுகத்தையும் பார்க்காதவர்... அவரை நன்றாக வைத்துக் கொள்ள வேண்டும் என்று அவளிடம் கெஞ்சலாகவும் கொஞ்சலாகவும் சொன்னான் வேம்பு.

குனிந்த தலை நிமிராமல் அன்றைக்குத் தலையாட்டினாள். ஆனால், தாலி கட்டிய பின் அவள் சொல்வதற்கெல்லாம் வேம்பு தலையாட்டும்படி ஆகி விட்டது.

‘‘என்னோட அப்பா அடுத்த வாரம் இங்கே வர்றாரு... ரெண்டு மாசம் நிம்மதியா இருக்கப் போறதா தபால் எழுதி இருந்தாரு. காது கேக்காத உங்கப்பாவை எங்காவது ஹோம்ல விட்டுற முடியுமானு அப்படியே விசாரிச்சுப் பாருங்க...’’ என்றவள், வேம்புவின் பதிலை எதிர்பார்க்காமல் துணி உலர்த்த மொட்டைமாடிக்குப் போனாள்.

துடித்துப் போனான் வேம்பு. 

என்ன சொல்லி இவளைச் சமாளிப்பது? அப்பாவுக்குக் காது கேட்கவில்லை. வாஸ்தவம்தான்!

வயசானால், பெரும்பாலான முதியவர்களுக்கு ஒரு பாதுகாப்பின்மை வந்து விடுகிறது. அதுவே பல வியாதிகளுக்கும் வித்திடுகிறது. எங்கே தாங்கள் புறக்கணிக்கப்பட்டு விடுமோ என்று பயந்து ஏதேனும் ஆர்வக் கோளாறில் பேசி, அதுவே பிரச்னைக்கும் காரணமாகி விடுகிறது என்பதை அவர்கள் உணரத் தவறி விடுகிறார்கள்.

போதாக்குறைக்கு அடுத்த வாரம் இவளது அப்பா வேறு வருகிறாராம். என் அப்பா என்னென்ன பாடு படப் போகிறாரோ என்று நினைத்த வேம்புவின் உடல் வியர்க்க ஆரம்பித்தது.

பேக்கை மாட்டிக் கொண்டு, பைக்கை ஸ்டார்ட் செய்து ஆபீசுக்குப் பறந்தான்.

பெரும்பாலான ஆண்களின் பாடு இப்படித்தானோ?

மனைவியிடம் ஏதேனும் பாட்டு வாங்கிக் கொண்டு எரிச்சலுடன் நிம்மதி தேடி ஆபீஸ§க்கு ஓடுகிறார்கள். அங்கே முதலாளியின் பாட்டு தாங்க முடியாமல் மாலை வேளையில் வீட்டில் வந்து விழுகிறார்கள். 

அன்று இரவு பக்கத்துக் கடைக்கு பார்கவி சென்றிருந்த வேளையில், தனியே அப்பாவிடம் போய் நாசூக்காகக் கொஞ்சம் பேசி விட்டு வந்தான். அப்பா அறையில் இருந்து கனத்த இதயத்துடன் வேம்பு வெளியே வந்தபோது அப்பாவின் கண்களில் நீர் துளிர்த்ததை இவன் கவனிக்கவில்லை.

ஒரு வாரம் ஓடிற்று.

பார்கவி வீடே விழாக் கோலம் பூண்டிருந்தது. அவளுடைய அப்பா வருகிறார்.

அப்பாவுக்கு விருந்து தயார் செய்ய வேண்டி, பார்கவி ரயில்வே ஸ்டேஷன் போகவில்லை. வேம்புவே போய் கூட்டிக் கொண்டு வந்தான்.

வாசலில் ஆட்டோ வந்தது. வேம்பு இறங்கினான் பெட்டியுடன். அடுத்து அப்பா இறங்கினார்.

வாசலுக்கு ஓடிப் போய் பார்கவி வரவேற்றாள். வேம்பு சொல்லி வைத்திருந்தது போல் அவனுடைய அப்பாவும் வாசலுக்கே வந்து தன் சம்பந்தியை வரவேற்றார்.

தன் அப்பாவின் கைப்பிடித்து உள்ளே அழைத்துச் சென்றபடியே கேட்டாள் பார்கவி. ‘‘வாங்கப்பா... ரயில் பயணம் சவுகரியமா இருந்துதா?’’

‘‘அதுக்கென்னம்மா... எனக்கென்ன பயம்... இது நம்ம வீடுதானே?’’ என்றார் பார்கவியின் அப்பா.

அசதியின் காரணமாகத் தன் கேள்வியை அப்பா உள்வாங்கிக் கொள்ளவில்லை என்று நினைத்தபடி தான் கேட்ட கேள்வியை மீண்டும் கேட்டாள் பார்கவி.

‘‘என்ன கேட்டே இப்ப...?’’ - பார்கவியின் அருகே சற்றே நெருங்கிக் கேட்டார் அவளது அப்பா.

குழப்பத்துடன் அப்பாவை மேலும் கீழும் பார்கவி பார்க்க, ‘‘என்னன்னே தெரியலம்மா... ஒரு மாசமா காதுல ஒரே இரைச்சல். யார் என்ன பேசினாலும் ஒண்ணுமே கேக்கலே. அங்கே என்னடான்னா மருமகள் என் மேலே எரிஞ்சு விழறா... அவ தொல்லை தாங்க முடியலை. ஒரு ரெண்டு மாசம் உன் வீட்டுல நிம்மதியா சத்தம் இல்லாம இருக்கலாம்னு வந்தேன்’’ என்றாரே பார்க்கணும்..!

பார்கவிக்குப் பேச்சே எழவில்லை.

உள்ளுக்குள் சிரித்தான் வேம்பு. உள்ளுக்குள் போய்ச் சிரித்தார் வேம்புவின் தந்தையார்.

🍃🍂🍃🍂🍃🍂🍃🍂🍃🍂🍃🍂

💚🧡💚🧡💚🧡💚🧡💚🧡💚🧡

*💗உடல் நலம்...*

*வழக்கொழிந்து வரும் பாரம்பரிய வாழைப்பழங்கள்..!!*

நமது பாரம்பரியப் பயிர்களிலேயே உன்னதமான பயிர் வாழை. வாழைசாகுபடி என்பது 3000 ஆண்டுகளுக்கு முந்திய வரலாறு கொண்டது. நாம் வழிபாட்டுத்தளங்களில் தொடங்கி வாழ்க்கையின் அனைத்து விஷேசங்களுக்கும் வாழையைப் பயன்படுத்துகிறோம். அதன் அடி முதல் நுனிவரை அனைத்துமே மனிதகுலத்திற்கு பல வகைகளில் பயன்படுவதால் தியாகத்தை வாழைக்கு ஈடாகச் சொல்வார்கள்!

மனிதன் என்பவன் தெய்வமாகலாம்

வாரிவாரி வழங்கும் போது வள்ளலாகலாம்!

வாழைப்போல தன்னைத் தந்து தியாகியாகலாம்....!

- என எழுதியிருக்கிறார் கவியரசு கண்ணதாசன்

வாழையின் பூ, இலை, காய், கனி, தண்டு, நார்பகுதி... என எதுவும் வீணாவதில்லை. மகத்தான மருத்துவ குணங்கள் நிரம்பப் பெற்றவை. அதுவும் நமது பாரம்பரிய வாழை ரகங்கள்

ஒவ்வொன்றும் ஒவ்வொரு சுவை, வெவ்வேறு மகத்துவம் கொண்டவை! 

- கற்பூரவல்லி இதை தேன் வாழை என்றும் அழைப்பதுண்டு, உடல் சூடு நீக்கி குளிரச்சி தரும்!

- செவ்வாழை ஈடு இணையற்ற ஊட்டச்சத்து கொண்டது. நோய் எதிர்ப்பு சத்தி தரவல்லது. உயிரணுக்களை அதிகப்படுத்தும்!

- நேந்திரன் பழ ருசியோ சொல்லிமாளாது. சிப்ஸ்க்கு பிரபலமானது. இதில் விட்டமின் A யும், கால்சியமும் அதிகம். பசி தாங்கும், குடற்புழுக்களை நீக்கி வயிறை சுத்தப்படுத்தும்.

- ஏலக்கி வாழையின் சுவையோ தனித்துவமானது. நமது செல்களின் வளர்சிதை மாற்றத்திற்கு உதவக்கூடியது.

- மொந்தன் பழத்தை அம்மை நோய் கண்டவர்களுக்கு கிராமத்தில் தருவது வழக்கம். 

- ரஸ்தாலி உடல் வறட்சியை நீக்கும்.

குமரி மாவட்டத்தில் மட்டி வாழை பிரபலமானது. ரொம்பச்சத்தானது.

- பூவன்பழம் மூலநோய்க்கு மருந்தாகும்.

- மலைவாழை ரத்தவிருத்திக்கு உதவும்.

- பேயன்பழம் வயிற்றுப்புண், குடல்புண் ஆற்றும்! நாட்டுவாழைப்பழங்கள் பொதுவாக நல்ல மலமிளக்கிகள்!

ஆக, சொல்லித்தீராத நலன்களை தரக்கூடிய வாழையை ஏழைகளின் கனி என்பார்கள்! ஆப்பிள்,மாதுளம்,கொய்யா வாங்கமுடியாத எளிய, ஏழைநடுத்தர மக்களின் ஓரே கனியென்று

வாழையைச் சொல்லிவந்தோம்.

சமீபகாலமாக விவசாயத்தில் செய்யப்பட்டு வரும் ஆராய்ச்சிகள் நம் பாரம்பரிய பழவகையை நம்மிடமிருந்து பறிபோகச்செய்தவண்ணம் உள்ளன.

விஞ்ஞான கண்டுபிடிப்புகளும், அதீதமான வணிக பேராசைகளும் விவசாயத்தை, அதன் ஆரோக்கியமான தளத்திலிருந்து ஆபத்தான தளங்களுக்கு பயணப்பட வைக்கின்றன.

வீரிய ஓட்டுரக வாழைகள் என அறிமுகப்படுத்தப்பட்ட வரிசையில் ஜீ - 9 என்பதாகச் சொல்லப்படும் மோரீஸ் வாழைப்பழம் தான் தற்போது வணிக ரீதியில் மிகவும் முன்நிறுத்தப்பட்டு எங்கெங்கும் காணினும் தென்படுகின்றன.

முன்நாளில் இது பெங்களூர் வாழை என அழைக்கப்பட்டது, முதலில் ரயில்நிலையங்களில் சென்னையில் அறிமுகமாகி, தற்போது அனைத்து பழக்கடைகளிலும், பழமுதிர்சோலைகளிலும், பெட்டிக் கடைகளிலும் இதன் ஆதிக்கமே மேலோங்கியுள்ளது. பளபளப்பாகவும், கண்கவரும் மஞ்சள்நிறத்திலும், நீண்டநாள் கெடாமலும், பூச்சிகளால் தாக்கப்படாமலும் இருக்கும் வண்ணம் இவ் வாழைப்பழம் இருப்பதால் வியாபாரிகளின் விருப்பதிற்கான பழமாகி, அதுவே இன்று நுகர்வோரிடமும் திணிக்கப்பட்டு வருகிறது. இது ஒரு திசுவளர்ப்பு முறையில் சிறிய செடி தன்மையில் உருவாக்கப்படுவது.

விவசாயிகளுக்கு லாபமாகவும் இருக்கிறது. இது பூச்சியாலோ, நோயாலோ பாதிக்கப்படாத வாழை என்பதே இதன் சிறப்பாம்...! பூச்சி கூட விரும்பாத வாழை மனிதனுக்கு எதற்கு?

இந்தப்பழம் குறித்து ஆரம்பத்தில் நிறைய எதிர்மறை விமர்சனங்கள் எழுந்தன. இது மரபணுமாற்றுப்பழம், கரப்பான்பூச்சி, காட்டுப்பூச்சியின் ஜீன்களை கொண்டு உருவாக்கப்பட்ட மலட்டுப்பழம், இதை சாப்பிட்டால் ஆஸ்த்துமா, சைனஸ், வயிற்றுக்கோளாறு, தலைவலி ஏற்படும் என்றெல்லாம் பேசப்பட்டன.

இதற்கு திருச்சியிலுள்ள தேசிய வாழை ஆராய்ச்சி நிறுவன இயக்குநர் மறுப்பு தெரிவித்தார். மற்றொருபுரம் இந்தப்பழம் காட்டுகொட்டை வாழையில் மீன், சோளம், காட்டுமொச்சையின்

மரபணுக்கள் புகுத்தி உருவானது என்ற கருத்தும் சொல்லப்பட்டு வருகிறது. எப்படியான போதிலும் இது பாரம்பரிய வாழை ரகத்திலிருந்து முற்றிலும் மாறுபட்டது என்பதை யாரும்

மறுக்கமுடியாது.

நமது பாரம்பரிய வாழைப்பழத்தின் சுவைக்கும், தரத்திற்கும் இது எந்தவிதத்திலும் ஈடாகாது என்பது மட்டுமல்ல, மலைக்கும் மடுவிற்குமான வித்தியாசம் உள்ளது.

இப்போதும் இந்த மோரீஸ் பழத்தை கோயில் வழிபாட்டிற்கோ, நோயாளிகளை பார்க்கச்செல்லும் போதோ கொண்டு செல்ல பலருக்கும் மனம் ஒப்புவதில்லை.

ஆனால், தற்போது சென்னை போன்ற பெருநகரங்களில் பல கடைகளில் இந்தப்பழத்தை தவிர்த்து வேறுபழங்களே கிடைப்பதில்லை என்ற அளவுக்கு இந்த மோரீஸ் பழம் மட்டுமே

முன்நிறுத்தப்படுகிறது. பலவகை பாரம்பரிய பயிர் கொண்ட பாரததேசத்தில் முன்பு புழுக்கத்தில் இருந்த பாரம்பரிய அரிசி ரகங்களையும், சிறு தானியங்களையும் காணாமலடித்துவிட்டு ஹைபிரிட் அரிசியை மட்டுமே நிலைநாட்டியதைப்போன்ற ஒரு முயற்சி இந்த மோரீஸ் வாழைபழ விஷயத்தில் நடந்து கொண்டிருக்கிறது. அரசாங்க ஆதரவுடன் கார்பரேட் நிறுவனங்கள் களமிறங்கும் போது காணாமலடிக்கப்பட்ட சுதேசி குளிர்பானங்களின் கதை நாம் அறிந்தது தானே!

மோரீஸ் வாழைப்பழம் மட்டுமே தான் உண்ணக்கிடைக்கும் என்ற ஒரு நிலை உருவாக்கப்பட்டுக்கொண்டிருப்பது ,பயன்மிக்க பராம்பரிய வாழைரகங்களை கொண்ட ஒரு தேசத்திற்கு இழைக்கப்படும் அநீதியாகவே பார்க்க வேண்டியுள்ளது. இதைப்போலவே கவலைதரத்தக்க இன்னொரு அம்சம் வாழை சாகுபடியில் பயன்படுத்தப்படும் அதீத ரசாயணங்களும், பூச்சிக்கொல்லி மருந்துகளும்!

வாழைப்பழத்தை விரைவில் பழுக்கச் செய்வதற்கு எத்திலீன், அசிட்டிலீன் என்ற ரசாயன வாயுக்கள் செலுத்தப்படுகிறது. மற்றும் சிலர் கார்பைடு கற்கள் வைத்து பழுக்கச்செய்கிறார்கள். இது

சாப்பிடுபவர்களுக்கு வயிறு சம்பந்தப்பட்ட, சிறுநீரகம் சம்பந்தப்பட்ட பிரச்சினைகளை உருவாக்கும். ஆனால், மிகப்பெரும்பாலோர் இந்த காரியத்தை சற்று குறைவாகவோ,

அதிகமாகவோ செய்யத்தான் செய்கிறார்கள்! பன்நெடுங்காலமாக வாழைப்பழத்தை பழுக்கவைக்க வாழைத்தாளைக் கொண்டு மூடி கட்டிவைப்பதும், வைக்கோர் புதரில் வைப்பதுமே வழக்கமாக இருந்தது. இன்றும் இயற்கை விவசாயிகள் இதை பின்பற்றுகிறார்கள்.

விவசாயம் என்பது பணம் தரும் ஒரு தொழில் மாத்திரமன்று. அது பசியைத் தீர்க்கவும், உடலுக்கு பலத்தை தருவதற்குமான ஆதாரமாகும்! ஆனால், பசி தீர்ந்து பாதகங்கள் ஏற்படுமானால்,

அது பாவச்செயலாகி விடுமல்லவா? மேலும் ரசாயன உரங்கள், செயற்கை முறையில் பழுக்கவைத்தல் போன்றவற்றால் பழமே பலவீனப்பட்டு,நஞ்சாகி விடுகிறது. ஆனால் இயற்கை முறையிலான பழங்கள் ஒருவாரம் வைத்திருந்தாலும் தோல் கறுக்கலாமே தவிர , உட்புறம் அழுகாது.

பழம் வாங்குபவர்கள் எல்லாம் பளப்பாக இருக்கவேண்டும் என ஆசைப்படுவது பாமரத்தனமாகும். இதனால் வாழைப்பால் கரையைக்கூட சோடியம் கைபோக்னெட் கொண்டு சுத்தம் செய்கிறார்கள்.

முன்பெல்லாம் கிராமங்களில் பாம்பு கடித்துவிட்டால் சட்டென்று தோட்டத்திலுள்ள வாழையை ஓடித்து, வாழைத் தண்டின் சாறு கொடுத்து முதலுதவி செய்வார்கள்...!

ஆனால், இப்போது அதை நினைத்துப் பார்க்கக் கூட முடியவில்லை. ஏனெனில், வாழைகுலை தள்ளியதும் அதன் தண்டில் தற்போது, மோனா குரோட்டோபாஸ்சை ஊசிமூலம் செலுத்துகிறார்கள். இது வாழைத் தண்டை நஞ்சாக்கிவிடும். வாழைத்தண்டுச் சாறு தான் இன்றளவும் சிறுநீரகக் கற்கள் கரைவதற்கான கண்கண்ட மருந்தாக பாவிக்கப்படுகிறது. எனவே, விவசாயிகள் இதனை தவிர்க்க வேண்டும். இயற்கை விவசாயமுறையில் வாழைக்கன்றை நடுவதற்கு முன்பாக 15 நிமிடங்கள் பஞ்சகாவ்யா கரைசலில் முழ்கவைத்துவிட்டாலே போதுமானது. தண்டு அழுகல்நோய் கடைசி வரை தாக்காது என்பது அனுபவமாகும்.

நம்நாட்டில் முன்பு 3000 ரகமான வாழைகள் இருந்தன. அவற்றில் தற்போது மிகமிகக்குறைவான பாரம்பரிய ரகங்களே காலம் கடந்து நிற்கின்றன. அவற்றையாவது நாம் கண்டிப்பாக காப்பாற்றியாக வேண்டும்.

சாகுபடியாகும் பயிர்களில் வாழையைத்தான், 'வாழவைக்கும் வாழை' என்று சொல்வதுண்டு. அது சாகடிக்கும் வாழை என்றாகி விடக்கூடாது!

*பகிர்வு*

💚🧡💚🧡💚🧡💚🧡💚🧡💚🧡

🌴🎋🌴🎋🌴🎋🌴🎋🌴🎋🌴🎋

*💗படித்ததில் பிடித்தது...*

*தமிழ்நாட்டை சேர்ந்த ஒரு பொருளாதார மேதை "ஜே.சி.குமரப்பா"..!!*

தமிழர்கள் ஆகிய நாம் நம் தமிழ்நாட்டை சேர்ந்த ஒரு பொருளாதார மேதை பற்றி கண்டிப்பாக தெரிந்து கொள்ள வேண்டும். ஜெர்மானியப் பொருளியலாளர் ஷமாக்கர் தனது நூலில் ‘இந்திய தத்துவ மேதை’ என்று இவரை குறிப்பிட்டுள்ளார். 

உண்மையான காந்தியவாதி...

அவர் தான்…

ஜே. சி. குமரப்பா ( 4–1- 1892 இருந்து 30–1- 1960)

- 1913-ல் இங்கிலாந்து சென்று சார்ட்டர்ட் அக்கவுன்ட்ஸ் மற்றும் பொருளாதாரம் பயின்றார்.

- 1928-ல் அமெரிக்கா சென்று, பொருளாதாரத்தில் மேற்படிப்பு பயின்றவர், இந்தியாவின் ஏழ்மை குறித்து ஆய்வு மேற்கொண்டார்.

- கிராமங்கள் தான் நாட்டின் முதுகெலும்பு என சொன்னவர் காந்தி. அந்த கிராமங்களுக்கான பொருளாதாரக் கொள்கைகளை தந்தவர் குமரப்பா.

- காந்திஜி தண்டி யாத்திரையின் போது ‘யங் இந்தியா’ பத்திரிகையின் ஆசிரியராக இவரை நியமித்தார்.

- இயற்கையோடு இயைந்த உற்பத்தி முறைதான் இயற்கை ஆதார வளங்களை சிதைக்காது என்பார்.

- இவர் டிராக்டர் பயன்பாட்டை சுதந்திர இந்தியாவில் வேண்டாம் என்றார்

*காரணம்..*

அப்போது தான் இந்தியா சுதந்திரம் அடைந்த சமயம். டிராக்டர் தயாரிக்கும் தொழில் சாலை நம்மிடம் இல்லை. ஆகையால் நாம் டிராக்டர் இறக்குமதி செய்ய வேண்டும். அதனால் நம் நாட்டிற்கு செலவு அதிகம் அது மட்டும் இல்லை டிராக்டர் இயங்க டீசல் வேண்டும் அதுவும் நாம் வெளிநாட்டில் இருந்து வாங்க வேண்டும்.

இந்தியா ஒரு விவசாய நாடு. அவ்ளோ டிராக்டர் இறக்குமதி செய்தல் நமக்கு தான் செலவு அதிகமாகும். டிராக்டர் வந்தால் மனிதனுக்கும் மண்ணிற்கும் உண்டான தொடர்பு அருபடும்.

ஏர் செய்யும் தொழிலாளி வேலை இழபார். டிராக்டர் டன் கணக்கில் வைட் இருக்கும் அது மண்ணில் உழும் பொது மண் இருகும்.

நாம் மாடு கொண்டு உழுகும் பொது மாடு சாணி போடும் ஆனால் டிராக்டர் சாணி போடுமா?? என்று கேட்டார். அந்த மாடு போடும் சாணி இயற்கை உரமாக பயன்படும் அதனால் நாம் வெளிநாட்டில் இருந்து இரசாயன உரம் இறக்குமதி செய்ய வேண்டியது இல்லை.

அப்போதைய தமிழக முதல்வர் காமராஜர் குமரப்பாவைச் சந்திக்க வந்திருந்தபோது, அவரிடம் சில கருத்துக்களை குமரப்பா முன்வைத்தார்.

- கிராமப்புறங்களில் மின்சார நீர் இறைப்பான்களையும் கிணற்றுப் பாசனத்தையும் விரிவுபடுத்துவதை மிகக் கவனமாகச் செய்ய வேண்டும் என்பது அவர் முன்வைத்த முதல் கருத்து. அதற்கு மாற்றாக ஏரிகளையும் குளங்களையும் அரசு விரிவுபடுத்த வேண்டும் எனக் கேட்டுக்கொண்டார்.

இப்போது நாம் நிலத்தடி நீர் குறைகிறது, அதை பற்றி அப்பவே கணித்து சொன்னவர் குமரப்பா.

- சர்க்கரை ஆலைகள் பெருமளவில் தொடங்கப்பட்ட போது, குமரப்பா அவற்றை எதிர்த்துப் போராட்டம் நடத்தினார். கரும்பு உற்பத்தி, வெள்ளைச் சர்க்கரை உற்பத்தி, அதனுடன் சேர்த்து எரிசாராய உற்பத்தி ஆகியவற்றுக்கு ஆதரவாக அரசு சட்டங்களையும் கொள்கைகளையும் கொண்டு வந்து கொண்டிருந்தது.

சர்க்கரை ஆலைகளுக்குப் பதிலாக, பனைமரங்கள் தரும் பதநீரையும், கருப்பட்டியையும் மேம்படுத்த அரசு பெரும் முதலீடு செய்ய வேண்டும் என்பது அவருடைய கோரிக்கை. பதநீரும், கருப்பட்டியும் உடல்நலத்துக்கு அமிர்தம் போன்றவை என்பது அவருடைய வாதம்.

இது போல இன்னும் பல விசயங்கள்…சொல்லி கொண்டே போகலாம்…

குமரப்பா ஒரு தீர்க்கதரிசி.

இப்போது நாம் பேசும் தற்சார்பு பொருளாதாரம் பற்றி அன்றே மிக நுணுக்கமாக ஆராய்ந்து கூறியவர் தான் நம் குமாரப்பா.

*பகிர்வு*

🌴🎋🌴🎋🌴🎋🌴🎋🌴🎋🌴🎋

🌿🍁🌿🍁🌿🍁🌿🍁🌿🍁🌿🍁

*💗தெரிந்து கொள்வோம்...*

*"பட்டு" - ஆயிரம் ஆண்டு ரகசியம்..!!*

பட்டு என்றவுடன் காஞ்சிபுரம், பனாரஸ், ஆரணி, ராசிபுரம் போன்ற பட்டுக்குப் பெயர்போன இடங்கள் நம் நினைவுக்கு வரும். அத்துடன் பாரம்பர்யம் என்னும் ஒரு சொல்லும். அந்த அளவுக்குப் பட்டு நம் கலாசாரத்துடன் இணைந்து இருக்கிறது.

நாகரிகம் வளர வளர நம் வாழ்க்கை முறையில், நம் உணவு பழக்கவழக்கங்களில், உடைகளிலும் மாற்றம் வந்துவிட்டன. ஆனாலும் கோயில், குடும்ப விழாக்களில் பட்டாடை என்பது இன்னும் ஒரு கெளரவமான அடையாளமாக இருந்துவருகிறது. அரிதாக உபயோகித்தாலும் பட்டுக்குத் தரும் முக்கியத்துவம் வேறு ஆடைகளுக்கு இல்லை.

பட்டுக்கும் கிட்டதட்ட 5000 வருஷத்துக்கும் மேற்பட்ட பாரம்பரியம் உண்டு. ஹாங் டீங் (Huang di) என்னும் ஒரு சீன மன்னனின் மனைவிதான் சீ லீங் காய் (Si-Ling-Chi). அவர் ஒருநாள் அரண்மனைத் தோட்டத்தில் உள்ள மல்பெரி மரத்துக்கு கீழ அமர்ந்து தேநீர் அருந்திக்கொண்டிருந்தாள்.

அப்போது அந்த மரத்தின் மேல் இருந்து வெள்ளை, வெள்ளையான கூடுகள் தேநீர்க் குவளைக்குள் விழுந்து விட்டன. பயத்தில் குவளையைத் தவற விடவும் அது அவள் மீது விழுந்து, தேநீர் முழுவதும் ஆடையில் சிதறிவிட்டது. அதைத் துடைக்கக் கவனித்தபோது அந்தக் கூடு, பளபளக்கும் இழையாக மின்னியதை வியந்து கவனித்திருக்கிறார். பிறகு அது மல்பெர்ரி இலைகளில் இருக்கும் பட்டுப் புழுக்களின் கூடு என்பதைக் கண்டுபிடித்திருக்கிறார்.

இது நடந்தது கி.மு. 2700ஆம் ஆண்டு வாக்கில். பிறகு சீ லீங் காய், பட்டு வளர்ப்பதை ஒரு தொழிலாக மேம்படுத்தியிருக்கிறார். அந்த ராணியைச் சீனர்கள் பட்டின் கடவுளாக இன்றைக்கும் போற்றுகிறார்கள். ஒரு பெண் கண்டுபிடித்ததாலோ என்னவோ பட்டுத் தொழில் நுட்பம் பெண்களுக்கு மட்டுமே தெரிஞ்ச ரகசியமாக வெகு காலத்துக்கு இருந்தது.

பட்டு கண்டுபிடிக்கப்பட்ட அதே நூற்றாண்டில் சீனாவில் பட்டு உற்பத்தி பெரும் வளர்ச்சியடைந்தது. மேலை நாடுகளுக்கும் பட்டு நூல் ஏற்றுமதி செய்யப்பட்டுப் பெரும் வரவேற்பைப் பெற்றது. ஐரோப்பாவையும் ஆசியாவையும் வியாபார ரீதியாக இணைக்கும் பட்டுப் பாதை (Silk Route) பட்டு விற்பனைக்காக உருவானதுதான்.

*இந்தியாவில் பட்டு...*

பட்டு தயாரிக்கும் நுட்பம் கிட்டதட்ட 2500 வருஷமாகச் சீனர்களால் ரகசியமாகப் பாதுகாக்கப்பட்டது. அண்டை நாடான ஜப்பான்தான் முதலில் பட்டின் ரகசித்தை அவிழ்த்தது. அது நடந்தது கி.மு. 3ஆம் நூற்றாண்டில். அவர்கள் சீனப் பெண்கள் சிலரை அடிமையாகக் கொண்டுபோய் இந்த நுட்பங்களைத் அறிந்துகொண்டார்கள். இன்று ஜப்பான் உலகிலேயே அதிகமாகப் பட்டு பயன்படுத்தும் நாடாக இருக்கிறது.

இந்தியாவுக்குப் பட்டுப்புழு வளர்ப்பின் நுட்பம் வந்தது ஒரு சீன இளவரசி மூலமாகத்தான். பண்டைய இந்தியாவின் ஒரு பகுதியை ஆண்ட இளவரசன் ஒருவன், சீன இளவரசி ஒருத்தியை மண முடித்தார். அவள் வழியாக வந்ததாகச் சொல்லப்படுகிறது. ஆனால் இதற்கு வலுவான சான்று இல்ல. ஆனால் பட்டுத் தொழில்நுட்பம் கி.மு. 1ஆம் நூற்றாண்டில் இந்தியாவுக்கு அறிமுகமானதாகச் சொல்லப்படுகிறது.

படிப்படியாக இந்த நுட்பம் ஐரோப்பிய நாடுகளுக்கும் பரவுகிறது. இன்றும் பட்டு உற்பத்தியில் சீனாதான் முதல் இடத்தில் இருக்கிறது. இந்தியா, உஸ்பெஸ்கிதான், தாய்லாந்து, ஜப்பான், கொரியா, வியட்னாம், ஈரான் என 30க்கும் மேற்பட்ட நாடுகளும் குறிப்பிடத்தகுந்த வகையில் உற்பத்திசெய்கின்றன.

பண்டைய இந்திய மன்னரான கனிஷ்கர் காலத்தில், கி.மு. 58இல், இந்தியாவில் இருந்து பட்டு ரோமுக்கு ஏற்றுமதி செய்ததாக வரலாற்றுத் தகவல் இருக்கிறது. கி.பி.16 நூற்றாண்டில் இந்தியாவை ஆண்ட முகலாய மன்னர்கள் பட்டு உற்பத்தியில் ஆர்வம் காட்டினார்கள். அதனால் அப்போது சீனாவுக்கு நிகராக இந்தியாவும் பட்டு ஏற்றுமதியில் முன்னணியில் இருந்தது.

*லூயீ பாஸ்டரும் பட்டும்...*

இன்று இந்தியாவில் 15 ஆயிரம் மெட்ரிக் டன் பட்டு உற்பத்தி செய்யப்படுது. பட்டு உற்பத்தியில் முதல் இடம் வகிக்கும் மாநிலம் கர்நாடகம். இதற்குக் காரணம் திப்பு சுல்தான். அவர்தான் 18ஆம் நூற்றாண்டிலேயே மைசூரில் பட்டுப்புழு உற்பத்தி நிலையங்களை அமைத்தார்.

கர்நாடகத்துக்கு அடுத்த நிலைகளில் ஆந்திரா, தமிழ்நாடு, மேற்கு வங்கம், ஜம்மு காஷ்மீர், அஸ்ஸாம் ஆகிய மாநிலங்கள் உள்ளன. தமிழ்நாட்டில் கோவை, தர்மபுரி மாவட்டங்களில் இந்தத் தொழில் மேற்கொள்ளப்படுகிறது. இந்தியா, உலகப் பட்டு உற்பத்தியில் 2ஆம் இடம் வகித்தாலும் நமது உற்பத்தி எல்லாம் மீறி நாம் செலவு செய்கிறோம். இந்தியர்களின் பட்டுத் தேவை ஆண்டுக்கு 26 ஆயிரம் டன் ஆகும்.

நமது உற்பத்தியை விடக் கூடுதலாக 14 டன் நமக்குத் தேவைப்படுகிறது. தேவைப்படும் மீதப் பட்டைச் சீனாவில் இருந்து இறக்குமதி செய்ய வேண்டிய நிலையில் இருக்கிறோம்.

பட்டு அறிவியல் கண்டுபிடிப்புகளிலும் முக்கியப் பங்கு வகிக்கிறது என்பது இன்னுமொரு சுவாரஸ்யமான விஷயம். 1857ஆம் ஆண்டு வாக்கில் ப்ரான்சின் தென்பகுதியில் இருந்த பட்டு உற்பத்திப் பண்ணைகளில் பட்டுப் புழுக்கள் எல்லாம் ஒரு வித்தியாசமான நோய்த் தாக்குதலுக்கு உள்ளாகின.

அதனால் பட்டுத் தொழிலில் பெரிய சரிவு ஏற்பட்டது. இதைச் சரிசெய்வதற்காகப் பட்டு உற்பத்தியாளர்கள், அறிவியல் ஆராய்ச்சியாளரான லூயீ பாஸ்டரை (Louis Pasteur) அழைத்தார்கள். லூயீ பாஸ்டர், நோய்க்கான காரணம் பாக்டீரியா எனக் கண்டுபிடித்தார். இந்தக் கண்டுபிடிப்பு நோய்த் தடுப்பு மருந்து கண்டுபிடிக்க ஆதாரமாக இருந்தது.

*சுவாரஸ்யமான சந்தேகம்...*

இந்தப் பட்டுத் தொழில்ழ் நுட்பத்தைத் தெரிந்துகொள்வதற்கு முன் ஐரோப்பியர்களுக்கு பட்டு எதிலிருந்து வந்திருக்கும்? எனப் பயங்கர குழப்பமும் ஆர்வமும். அது மரத்தில் காய்க்கிறதா, ரசாயனப்பொருளா? பலவிதமான ஆராய்ச்சில் ஈடுபட்டார்கள். ஒரு புழுவில் இருந்துதான் பட்டு வருகிறது என்பது அவர்கள் யூகிக்கவே முடியாத விடையாக இருந்திருக்கும்.

பட்டுப் புழுவின் அறிவியல் பெயர் Bombyx mori. பட்டுப்புழு வளர்ப்பு முறை sericulture எனச் சொல்லப்படுது. இது ஒரு வேளாண் தொழில். ஒரு பூச்சியை (பட்டுப் புழுவை) வளர்ப்பது வேளாண் தொழிலாகப் பாவிக்கப்படுவது முரணான சுவாரஸ்யம். பட்டுப் புழு, முட்டைகள் பொரிப்பதற்கு 10 நாட்கள்வரை ஆகும். முட்டைகளில் இருந்து வெளிவரும் புழு 7cm நீளம் வரை வளரக் கூடியது.

அது மல்பெரி இலைகளை மட்டுமே உணவாக உட்கொள்ளக்கூடியது. நல்ல வளர்ந்த நிலையில் உள்ள பட்டுப் புழு 7.5cm இருக்கும். பட்டுப் புழு5வின் மொத்த எடையில் 25 சதவீதம் உமிழ் நீர் சுரப்பிகளால் ஆனது. உமிழ் நீர்தான் பட்டு இழையாக வரும். தன்னுடைய ஐந்தாம் பருவத்தில் புழு கூடு கட்டத் தயாராகும். உமிழ் நீரை உமிழ்ந்து கூடுகளைக் கட்டுகிறது. மூன்று நாட்கள் வரை ஓயாது கூடு கட்டும். ஒரு பட்டுக் கூடு 500ல் இருந்து 1000 மீட்டர் நீளமான பட்டு இழையைக் கொண்டது.

ஒரு பட்டுப் புடவை நெய்ய 5000 பட்டுக் கூடுகள் தேவைப்படும். இந்தக் கூட்டைச் சுடுநீரில் வேகவைத்து பட்டு இழைகைளை எளிதாகப் பிரித்து எடுக்கிறார்கள். பிறகு நூலிழைகள் வெளுக்கப்பட்டுச் சாயம் சேர்க்கப்பட்டு நெய்யப்படுது. அதன் மீது தங்கம் பூசப்பட்டு சரிகை தயாரிக்கப்படுது. ஆடைகளில் ஜரிகை சேர்க்கிறது முகாலாயர் காலகட்டத்தில் வந்தது. இன்றும் தங்கம், வெள்ளி ஜரிகையைப் பட்டில் சேர்த்து நெய்யப்படுகிறது. ஒரிஜினல் தங்கம், வெள்ளி இல்லாமல் எலக்ரோப்ளேட்டிங்கில் Imitaion Zariயும் இப்போது தயாரிக்கப்படுது.

பட்டுக்கு இவ்வளவு நீண்ட வரலாறு உண்டு. ‘பட்டுப் பாரம்பர்யம்’ எனச் சொல்வது நுற்றுக்கு நூறு சரியானதுதான் இல்லையா?

*பகிர்வு*

🌿🍁🌿🍁🌿🍁🌿🍁🌿🍁🌿🍁

🟪🟧🟨⬜

*🌀மருத்துவ அறிவியலின் பார்வையில் தியானம் ஏன் அவசியம்?*

பிறந்த நேரம் முதல் இறப்பு வரை இதயம் தொடர்ந்து செயல்படுகிறது. தினமும் இதயம் 7000 லிட்டர் இரத்தத்தை செலுத்துகிறது, இதில் 70% இரத்தம் மூளைக்கும், மீதமுள்ள 30% உடலின் மற்ற பகுதிகளுக்கும் செலுத்தப்படுகிறது.

🟪🟧🟨⬜

*இதயம் எவ்வாறு திறமையாகவும் திறமையாகவும் செயல்படுகிறது?*

இதயம் ஒரு ஒழுக்கத்தைப் பின்பற்றுவதால் திறம்பட செயல்படுகிறது. இயல்பான நிலையில், இதயம் {சிஸ்டோல் contract சுருங்க 0.3 வினாடிகளும், {டயஸ்டோல் relax ஓய்வெடுக்க 0.5 வினாடிகளும் ஆகும்.

எனவே, ஒரு துடிப்பு {1 இதய சுழற்சியை complete முடிக்க இதயத்திற்கு 0.3 + 0.5 = 0.8 வினாடிகள் தேவைப்படுகின்றன.

அதாவது 1 நிமிடத்தில், இதயம் 72 முறை துடிக்கிறது, இது சாதாரண இதய துடிப்பு என்று கருதப்படுகிறது.

0.5 விநாடிகளின் ஓய்வெடுக்கும் கட்டத்தில் தூய்மையற்ற இரத்தம் நுரையீரல் வழியாக பயணித்து 100% தூய்மையாகிறது.

*🟪🟧🟨⬜மகரயாழ்*

சில மன அழுத்த சூழ்நிலைகளில், உடல் குறைந்த நேரத்தில் அதிக இரத்தத்தை கோருகிறது, இந்த சூழ்நிலையில் இதயம் 0.5 விநாடிகளின் ஓய்வெடுக்கும் காலத்தை 0.4 வினாடிகளாக குறைக்கிறது. #மகரயாழ் எனவே, இந்த விஷயத்தில் இதயம் 1 நிமிடத்தில் 82 முறை துடிக்கிறது மற்றும் 80% இரத்தம் மட்டுமே சுத்திகரிக்கப்படுகிறது.

மேலும் மேலும் தேவைக்கேற்ப, ஓய்வெடுக்கும் நேரம் மேலும் 0.3 வினாடிகளாகக் குறைக்கப்படுகிறது, பின்னர் 60% இரத்தம் மட்டுமே சுத்திகரிக்கப்படுகிறது.

🟪🟧🟨⬜

நமது தமனிகளில் குறைந்த ஆக்ஸிஜனேற்றப்பட்ட இரத்தத்தின் விளைவுகளை கற்பனை செய்து பாருங்கள்.

இரத்தத்தின் சிறந்த ஆக்ஸிஜனேற்றத்தை உறுதிப்படுத்த ஆழமான சுவாசம் முக்கியமாகும்.

🟪🟧🟨⬜

*மூளையின் செயல்பாட்டிற்கு காரணமான காரணிகள்:*

1. 25% - 30% நாம் உட்கொள்ளும் டயட் காரணமாகும்.

 2. 70% - 75% மூளையின் உணர்ச்சிகள், அணுகுமுறை, நினைவுகள் மற்றும் பிற செயல்முறைகள் காரணமாகும்.

இதனால், மூளையை அமைதிப்படுத்தவும், மேலும் மேலும் இரத்தத்தை பம்ப் செய்ய இதயத்தின் தேவையை குறைக்கவும், மூளைக்கு ஓய்வு கொடுக்கப்பட வேண்டும்.

🟪🟧🟨⬜

கிளர்ந்தெழுந்த மனதை அமைதிப்படுத்த தியானம் மிகவும் பயனுள்ள கருவியாகும்.

நாம் கண்களை மூடிக்கொண்டு தியானிக்கும்போது, ​​மூளை அமைதியடைகிறது, இதயம் ஓய்வெடுக்கிறது, இதனால் இதய மற்றும் மூளை நோய்களிலிருந்து நம்மைப் பாதுகாக்கிறது.

தியானம் உண்மையான ஆரோக்கியத்திற்கு முக்கியம் என்பதை

உணர்ந்து நம் முன்னோர்கள் 1000 வருடங்களுக்கு முன்பே அறிந்து நமக்கு இந்த அறிய கலையை விட்டு சென்று இருக்கிறார்கள். 

🙏💐

🟪🟧🟨⬜

அடடடா...!

இத்தனை நாளாய் இது தெரியாமல் போச்சே....!

*"வெப்பம் + இல்லை :  வேப்பிலை.! உடல் வெப்பத்தை இல்லை என்று ஆக்கும் அதுதான் வேப்பிலை.!"*

*"கரு + வெப்பம் + இல்லை : கருவேப்பிலை.! கருப்பை வெப்பத்தை இல்லை என்று ஆக்கும் அதுதான் கருவேப்பிலை.!"*

*"அகம் + தீ :  அகத்தீ உடலின் உள்ளே அகத்தின் தீயைக் குறைக்கும் அதுதான் அகத்தி.!"*

*"சீர் + அகம் : சீரகம் அகத்தின் சூட்டைச் சீராக்கும் அதுவே சீரகம்.!"*

*"காயமே இது பொய்யடா., வெறும் காற்றடைத்த பையடா.!  காயத்தின் காற்றை வெளியேற்றும் பெருங்காயம்.!"*

*"வெம்மை + காயம் : வெங்காயம் உடலின் வெம்மையைப் போக்கும் அதுவே வெங்காயம்.!"*

*"பொன் + ஆம் + காண் + நீ அதுதான் பொன்னாங்கண்ணி.! அதை நீ உண்டால் உடல் பொன் ஆகும் காண்நீ.!"*

*"கரிசல் + ஆம் + காண் + நீ அதுதான் கரிசலாங்கண்ணி காய்ச்சிய எண்ணெய் கூந்தலில் தேய்த்தால் கூந்தலை கரிசலாக்கும் காண்நீ.!"*

*இப்படிப்பட்ட சொற்களுக்குள் தான் மருத்துவத்தை வைத்தார்கள் நமது மகத்தான பாட்டன்மார்கள்.!*

"செம்மொழி" தமிழ்ச் சொற்களை மறந்தோம்.!

நமது பாரம்பரிய மருத்துவத்தை மறந்தோம்.!!

அவைகளைச் சொன்ன பாட்டியையும் மறந்தோம். பாட்டனையும் மறந்தோம்.!"